KB

ငါသင်ကြားခဲ့ ငယ်စဉ် ဟိုကလေးဘဝမှာ

လေတံခွန်လို အိပ်မက်များနှင့် ပျော်ပါတယ် စာသင်ခန်းထဲမှာ

တစ်နေ့နေ့ ရောက်ရမယ့် ပန်းတိုင် ခေါင်းထဲက ထွက်ကျလို့ မဖြစ်ပါ

ဗလာ စာအုပ်များထဲ အခါခါ ချရေး မိခဲ့ပါတယ်

လူကို

လူလူချင်း သတ်တဲ့

ငါလေ

စစ်သားကြီး

ဖြစ်ချင်တယ်

ဒီအမေ

အဖေရဲ့ သား မာန်မာန အပြည့်နဲ့

ခင်မင်ရာ ဆွေမျိုးကြား ငါလေ ရင်ကော့ ပြမယ်

ဧည့်ခန်းထဲ ချိတ်မယ် ဘွဲ့ဓါတ်ပုံ ဧည့်ခန်းထဲ ရောက်မယ် တို့ဗိုလ်ကြီး

ကျန်တာတွေ ဘာမှမသိ ဆယ်ကျော်သက်အရွယ် ဟိုးတက္ကသိုလ်မှာ

လူကို

လူလူချင်း သတ်ဖို့

ပညာတွေ

သင်ကြားသလား မေးစရာပါ

ဒိုး

ဒိုး ဒိုး

တို့တွေ

ပြေးလိုက်(ရပ်လိုက်)

ဗုံးခိုကျင်းထဲ တို့တွေ ဝပ်လိုက်

တောတောင်ကြားထဲ

သေနတ်ကို ထမ်းပြီး လမ်းလျှောက်တုန်းမှာ

ရုတ်တရက်

လန့်နိုးခဲ့ပါတယ်

အိပ်မက်ထဲက

စစ်သားကြီးပါ

ကွယ်

ယှဉ်ပြိုင်စရာများနှင့် အနိုင်ယူ တိုက်ပွဲများစွာ

ရင်ခုန်သံများနှင့် သင်ယူစရာများနှင့် ကမ္ဘာ

တန်ခိုးကြီးမြတ်ဗုဒ္ဓ ကိုးကွယ်ပါစေ

ထာဝရ ဘုရားသခင်များဘဲ ကိုးကွယ်ပါစေ

လူဆိုတာ အမှားနဲ့အမှန် ဆင်ခြင်နိုင်တဲ့ တန်ခိုး ရှိပါတယ်

လူကို လူလူချင်းသတ်တာ ဘယ်ဘာသာမှ အားမပေးပါကွယ်