ဒီနေ့ဟာလည်း

အရင်နေ့တွေလိုပဲထင်တယ်

အိမ်အပြင်ဘက်

ငါလမ်းလျှောက်ထွက်ရင်း တွေးမိတယ်

မပြောင်းလဲပါ

အားလုံးပဲ

မနေ့ကလိုပါ

စက္ကန့်အချိန်မိနစ်တွေတိုင်းဟာလည်းအရင်လို

အိမ်ဧည့်ခန်းမှာချိတ်ထားတဲ့

နာရီကြီးဆီကြည့်မိတယ်

မပြောင်းလဲပါ

အားလုံးပဲတစ်နေ့ကလိုပါ

သတိတွေ

အထပ်ထပ်နောက်ကျောမှာကပ်ခါရယ်

ခေါက်ရိုးတွေကိုးနေကြတာ

ကြည့်လိုက်ပါကွယ်

မပြောင်းလဲပါ

တဖြည်းဖြည်းနေရက်တွေ

ကျော်လာ

ဆပ်ကပ်ပြပွဲတွေ

ထိုင်ကြည့်ရသလိုမျိုးအရာရာ

ခန်းဆီးတွေနောက်ကွယ်မှာ

ပြကွက်တွေတိုက်နေဆဲ

မပြောင်းလဲပါ

အားလုံးပဲ

အတိတ်ကလိုပါ

ထမင်းလုံးတစ္ဆေခြောက်သလို

ငါ့ညနက်တွေဖြတ်ကျော်လာ

ဘုရားစာ

တ ကာ ငါကတိတွေကြားမှာ

မပြောင်းလဲပါ

အက် အက် အက်ကြောင်းထပ်လျက်မပြောင်းလဲ

ပါ

ကဲကဲ

မင်းကဲ့ရဲ့ဖို့ မှန်ကြည့်လိုက်ပါ

အားလုံးပဲ

မနေ့က အတိုင်းပါဘဲ