စစ်မှန်တဲ့တရား

ခေါင်းမှာ ထည့်ပြီး တွေးပါ သူအမြဲ ပြောပါတယ်

မေတ္တာလေနဲ့

အသက်ကို ရှူပြီး သွားပါ သူအမြဲ ပြောပါတယ်

သစ္စာ

ရေသောက် ဘဝ တည်ဆောက်ပြီး လျှောက်ပါ သူအမြဲ

ပြောပါတယ်

ခေါင်းမဖော်နိုင်တဲ့ စိတ်ဒဏ်ရာနဲ့ အတိတ်မှာ မနေနဲ့ ပြောပါတယ်

မလဲပြိုနိုင်တဲ့ သိက္ခာတွေနဲ့ ရှေ့ကိုကြည့်စမ်း ပြောပါတယ်

သမိုင်းဆိုတာက တို့တွေအကုန်လုံး အမြဲသင်ယူဖို့ ပြောပါတယ်

တို့တွေ

ရင်ထဲ လင်းစေနိုင်မယ့် အပြုံးတွေ သူအမြဲ ပြုံးပြတယ်

တို့တွေ

အိပ်မက် လှစေနိုင်မယ့် စကားတွေ သူအမြဲ ပြောပြတယ်

တို့တွေ

အနာဂတ်

မလွဲနိုင်အောင်လဲ အလုပ်တွေ သူအမြဲ အမြဲတမ်း

ကြိုးစားပါတယ်

တို့တွေ စိတ်ထား မမှားနိုင်အောင်လဲ အသိပညာနဲ့ လမ်းပြတယ်

တို့တွေ မမြင်တဲ့ တံခါးတွေကိုလဲ အတတ်ပညာနဲ့ ဖွင့်ဟတယ်

တို့တွေ မျှော်မှန်းပန်းတိုင်ကိုလဲ မဝေးအောင် သူအမြဲ အမြဲတမ်း ကြိုးစားပါတယ်

ရှေ့အန္တရာယ်များ ကြောက်ခါလန့်မသွား မြဲမြံစိတ်ထား ထားပါတယ်

မုန်တိုင်းထန်နေတဲ့ အမှားပင်လယ်ထဲ တက် ကို မချဘူး ဆက်လှော်တယ်

အတူယှဉ်နိုင်ဖို့ လိုက်မမှီနိုင်တဲ့ နှလုံးသား လှလှ ရှိပါတယ်

အမှားကို ပြင်ဖို့ ခက်ထန်မာတဲ့ အားအင်တွေ အပြည့်ရှိပါတယ်

လဲသူကို ကမ်းလက်တစ်စုံဟာလဲ မေတ္တာတွေနဲ့ ထွန်းမံခြယ်

ဒို့တွေရဲ့လမ်း မမှားအောင် ညွှန်မယ့် ကမ္ဘာ့အလယ်က သံမဏိလိပ်ပြာ လေးပါကွယ်

ဒါဟာအမှန်တရား

ဒါတွေဟာ

အမှန်တရား

မင်းမွေးတဲ့

မြို့မလိုဘူး မင်းရိုးသားဖို့လိုတယ်

မင်းကိုးကွယ်တဲ့

ဘုရားမဆိုင်ဘူး မင်းရိုးသားဖို့လိုတယ်

မင်းရတဲ့

ဘွဲ့မလိုဘူး မင်းရိုးသားဖို့လိုတယ်

မင်းရဲ့

အသိုင်းအဝိုင်း မဆိုင်ဘူး မင်းရိုးသားဖို့လိုတယ်